MOLDOVANIN PREMYERI BAAŞLADI 10 BİLGİSAYAR BAURÇU GİMNAZİYASINA
May ayında, Gagauziyaya iş vizitinnän gelmişti Yurie Leanka, Moldovanın premyer ministırı. O günü üüsek musaafir gitti Baurçuya, buluştu insannarlan. Yaşayannar gösterdilär kötü durumda bulunan evlerini, çünkü toprak kaymaa başlamış, annattılar küüyün başka problemnerini dä. Kısa vakıttan sora premyer yolladı liţey için 10 bilgisayar hem kopiya aparatını.
1887 defa okunmuş - 12 Haziran 2014 - Perşembe 12:00

Nicä nışannadı liţeyin öndercisi Galina Pamujak, pek sevindirer Moldova hükümetindän gelän baaşış. Bir kompyuter verilecek Baurçunun ilkokuluna, kalanını kullanaceklar bizim üürenicilär hem üüredicilär. Plannanêr wi-fi kurulması deyni taa kolay olsun bulmaa lääzımnı bilgileri.

      Çadır dolayın administraţiyasının başı Sergey Buzadcı, ani getirdi tehnikayı, şükür etti premyerı, ani sözünü tuttu hem uşaklar için bir kolaylık verdi. Şindi pek önemni, ani bu bilgisayarlar dooru neetlän kullanılsın, söledi S. Buzacı. 

 

                                                                                                        Kaynak: Gagauzinfo.md

Sağ üst butonu tıklayarak geri dönebilirsiniz...