VOLEYBOL TURNİRİ KAZAYAK KÜÜYÜNDÄ
1574 defa okunmuş - 14 Mayıs 2014 - Çarşamba 10:07

  Kazayak Teoretik liţeyindä artık adet gibi her yıl mart ayında kız voleybol takımnarı arasında turnir yapılêr. Bu yıl da, N.F. Yuhno hem F.K. Üsümbeli üüredicilerin iniţiativasına görä, yarışmalara geldilär dört takım, angıları yarıştılar geçici kubok için. Bitki iki yıl bu kubok kalardı Baurçu toplu takımının kızlarında.

  Oyunnar pek meraklı geçtilär. Haliz gözäl voleybol gösterdilär Beşgöz hem Baurçu liţeylerindän sportçuykalar. Beşgöz takımı seftä ilk erä çıktı. İkinci – Baurçu takımı oldu, üçüncü – Balaban küüyündän kızlar hem dördüncü – ev saabileri, Kazayak küüyün takımı.

  Hepsi takımnara Primariyanın adından verildi para premiyaları, turnirin en ii oyuncularına da – gramotalar.

Konstantin Kurdoglo

İlgili Fotoğraflar
Sağ üst butonu tıklayarak geri dönebilirsiniz...