UŞAKLARIN SAALII ÇOK ÖNEMNİYDİR
1608 defa okunmuş - 17 Nisan 2014 - Perşembe 09:03

  Uşak o nicä bir pak ekmek... Nicä onu kooruyacan, ölä o büüyecek. Onuştan biz, büük insannar, lääzım bunu tutalım aklımızda da yapalım ölä, ani uşaklar duysunnar kendini çok ii, onnar diil lääzım duysunnar, ani bizim devlet isteer zorlatmaa onnarın yaşamaklarını, vermeyeräk onnara kolaylık zanaatlanmaa sportlan.

  İnițiativa grupası 9-cu ușak bașcasından, angısının bașı Lidiya Ostaș, savaștı yapmaa bir adım ileri, aniki yapmaa bir küçük yardım ușaklara, angılar üürenerlar 9-cu uşak bașçasında. Bu ii inițiativaylan biz yazdık bir proekt Gagauziyanın Gençlik Fonduna. Proektin adı: “Ușakların saalıı – yașamanın maanası”. Onun neeti – kaaviletmää ușakların saalıklarını hem aşılamaa ușaklara sevda sport oyunnarına.

  İlkin biz topladık inițiativa grupasını, sora geçirdik bir “tombarlak masa”, angısında pay aldılar ușakların anaları, angıları pek ii baktılar bu inițiativaya. Toplantıda biz konuștuk, ne lääzım yapmaa, ani ușaklara deyni taa ii olsun.

  Gagauziyanın Genclik Fondu verdi bizä finans yardımını 5620 ley, bu paraya biz aldık ușaklara sport mallarını – biçikleta, küçük maşina, samokat, 4 top, basketbol oyunu h. b.

  Büük ayın 24-dä 2 büük grupa ușaklarlan da geçirdik bir pek gözäl sport yortusunu – “Sport bizä çok lääzımnı”.

  Terbiyedicilärlän koyduk neetimizä ușaklarlan hem analarlanbobalarlan barabar geçirmää sport yortularını. Yaz vakıdında ușaklar gezineceklär biçikletalarda dıșarda. Onnar pek severlär aktiv oyunnarı.

  İsteerim çok șükür edeyim hepsini, kim pay aldı bu proektin gerçekleştirilmesindä: Gagauziyanın Gençlik Fondunu, anaları hem bobaları, ușak bașcasının bașını, terbiyedicileri.

İlgili Fotoğraflar
Sağ üst butonu tıklayarak geri dönebilirsiniz...