Dekabri ayın 6-da peetçi, yazıcı, kritik, ilaççılık uurunda bilim doktoru İvan Antonoviç Dyaçuk 80 yaşını tamannayayceydı (06.12.1933–21.10.1912).
1269 defa okunmuş - 05 Şubat 2014 - Çarşamba 11:07

  Geçti yıldan zeedä vakıt, nicä yok aramızda İvan Antonoviç. Onu anmaa deyni dekabrinin 6-da Komrattakı regional muzeydä toplandılar insannar, angıları bilärdilär yazıcıyı. Katılannar havezlän annattılar kendi aklına getirmeklerini: kim mayıl olardı onun cömertliinä, kim – onun yaşamaya hem insana saygısına, kim sä – onun kaavi neetlän başarılı işlerinä.

   Bu yaşamakta herbir insan kendi uurunu ilerleder, Allahtan adanmá vergiyi götürer. İvan Antonoviç tä zengin bir ömür yaşadı, üreenä yakışıklı işlärlän zanaatlanardı, bitki yıllarda çok yazardı. Statyalarında, kiyatlarında resimcilär için, peetçilär hem yazıcılar için annadardı. Bezbelli onun için, zerä kendisi dä resim etmää  sevärdi, yaradıcılık teması  da ona yakındı.

   Yazıcının aylesi tipardan çıkardı onun bitki kiyadını, angısını o etiştirämedi görmää – “Lüdi i vremä”. Kiyadın redaktoru, avtorun kızı Janna İvanovna Garçeva-Dyaçuk, tanıttı hepsimizä eni kiyadı. Karısı, Olga Vladimirovna, okudu yazıcının yaratmalarından. İvan Antonoviçin aylesi Komrat Devlet Universitetin bibliotekasınnan barabar muzeydä zengin kiyat, resim, dokument sergisini hazırlamışlar. Bundan başka, yazıcının evdeki arhivindän foto prezentaţiyası gösterildi.  “Lüdi i vremä” – İvan Dyaçukun 13-cü  kiyadı oldu.

Lüdmila Marin

İlgili Fotoğraflar
Sağ üst butonu tıklayarak geri dönebilirsiniz...