BEŞGÖZDÄ SU SİSTEMASININ AÇILIŞI
Gagauziyanın Çadır dolayı hem taa beş dolay Moldovadan girdilär «su proektinä», angısının finans harcamalarını yapmaa alındı Evropa bankası. Bu proektä katıldılar Baurçu, Beşgöz, Kazayak, Tomay – su sistemasını hem Çadır-Lunga – kanalizaţiya sistemasını kurmaa deyni.
3288 defa okunmuş - 24 Aralık 2013 - Salı 10:57

    Beşgöz küüyünndä noyabrinin 6-da eni su proektinin ofiţial açılışını yaptılar. Avtonomiyada taa bir küüyä 100% su geçirildi hem veriler gecä- gündüz kesilmedään. Beşgözün su proekti 642 bin evroya yapıldı. Taa ileri Kazayak küüyündä dä su kolverildi, ama insannarı suyun kalitesi şindilik sevindirmeer. Kazayakta proekt yapıldı 1 mln 200 bin evroya. Sırada –Baurçu küüyü. Bu proektlär yapılêrlar İspolkomun, primarların hem Evropa bankasının arasında iş birlii annaşmasına görä.

    Proektin başında durêrlar Çadır dolayının administraţiya başı S. Buzadji,  «Apa Termo», işlerin ilerlemesini kontrol eder Başkan M. Formuzal. Bütün proekt tutêr 7,5 mln evro.

Sağ üst butonu tıklayarak geri dönebilirsiniz...