HALKLARARASI 33-cü KIBATEK BULUŞMASI İZMİRDÄ GEÇTİ
1998-ci yılda kurulan KIBATEK kurumu, türk dillerinin korunması hem ilerlemesi için yazarak, okuyarak hem eni kiyatları basarak, çevireräk kendi misiyasını götürer.
4161 defa okunmuş - 11 Aralık 2013 - Çarşamba 14:55

       Her yıl iki önemni toplantı yaparak, KIBATEK bir erä Balkan, Kipru hem Evraziya devletlerindän yazan hem yaradan insannarı toplêêr. Kendi devletlerini tanıdarak, peetlerini okuyarak dünneyin dört tarafından gelän yazarlar bir dildä annaşêrlar, eni dostluk baalantılarını kurêrlar.

       Kendi iç toplantılarını Türkiyenin kasabalarında yapan KIBATEK yılda bir toplantısını da azınnık halkların devletlerindä geçirer. 2013-cü yılda Moldovada yaşayan gagauzlara geldi kıbatekçılar, burada birkaç gün musaafir oldular, gagauzlarlan hem onnarın literarutasınnan taa yakından tanıştılar.

       2013-cü yılı kapadarkan, KIBATEK en geniş buluşmasını İzmirdä gerçekleştirdi. Burada 20 devlettän yazarlar, peetçilär dört gün birliktä hem işledilär, hem dinnendilär. Karşıladılar musaafirleri hem açılış sözlerini yaptılar KIBATEK Genel başkanı Dr. Mevlüt Kaplan hem başkanı Feyyaz Saglam.  Elbetki burada eni şiirlerini okudular, eni çevirilän hem tiparlanan kiyatlarlan tanıştılar, İzmirin kultura hem tarih erlerini gezdilär. Moldovadan, Gagauziyadan “Meydan” gazetasının adından İvanna Köksal katıldı toplantıya. Taa ileri dä İzmirdä geçän KIBATEK buluşmasına korespondent Konstantin Kurdoglo çaarılmıştı.

33-cü büük KIBATEK buluşması dekabri ayın 6-10 kadar İzmirdä yapıldı.

Gelän musaafirleri kabletti Konak primariyası.

 Foto: Adil Şan

İlgili Fotoğraflar
   HALKLARARASI 33-cü KIBATEK BULUŞMASI İZMİRDÄ GEÇTİ    HALKLARARASI 33-cü KIBATEK BULUŞMASI İZMİRDÄ GEÇTİ    HALKLARARASI 33-cü KIBATEK BULUŞMASI İZMİRDÄ GEÇTİ    HALKLARARASI 33-cü KIBATEK BULUŞMASI İZMİRDÄ GEÇTİ
Sağ üst butonu tıklayarak geri dönebilirsiniz...