TRT JURNALİSTLERİ GAGAUZÇA İŞ YAPAN MEİDİYALARI DOLAŞTI
1351 defa okunmuş - 09 Aralık 2013 - Pazartesi 15:36

       Türkiyedän gelän televizion grupası gözäl güz günnerinin bir haftasını  Gagauziyada geçirdi. Avtonomiyada hem Kişinövda gagauzça şindiki zamanda yayın yapan radio, tv, gazeta, jurnal hem internet saytlarını türk kolegaları dolaştılar. Bundan başka grupa geldi birkaç okula, neredä gagauzça derslerinä uuradılar hem uşaklara renkli hem meraklı jurnalları daattılar.

       TRT grupası hazırlêêr birkaç bölümnü dokumental film, neredä annadılêr bir devletin  türkçä yapılan yayınnarı, kolverimneri için. Programanın içindä, yayınnardan kaarä, annadılêr bir genç kuşaktan bir dä eski kuşaktan jurnalistin yaşaması, zanaatı için.

      “Bu proekti gerçekleştirmää TRT-cılar başladılar Makedoniyada, sora işledilär Bulgariyada hem Kosovada, şindi sırada Moldova –Gagauziya”, –söledi grupanın koordinatoru Şerifnur Bakırcı. Film hazırlanêr «Balkannarda kalan seslär» proektinä görä.

Sağ üst butonu tıklayarak geri dönebilirsiniz...