Türkiyanın taa bir gözäl kasabasında onnar için kurs programanın ikinci payı hazırlandı. Orada gençlerimiz deerindän üürendilarär eni bilgileri «Quark Express» programasının temeli hem web saytın donatılması için.

     Açık üreklän meydancıları karşıladı Suleyman Demirel adına Universitetin «Teleradio» bölümünün başı Fatih Kurt. Dersleri gençlerimizä verdi «Kanal 32» zaametçisi Ramazan Biçici. Şindiki zamanadan haliz o erleştirärdi haberleri Meydan gazetasinın sayfalarına.

       Altı günün içindä gençlerimiz üürendilär kuralları, angılarına görä haberlär sayfalara erleştirilincä, ortaya çıkêr  gözäl, renkli, kırnak, meraklı hem kolay okunan gazeta. Kurs sırasında, derslerdä taa çok praktika tarafından işlär yapıldı, ne yardım etii bu kuralları taa ii iştä kullanmaa. Kabledilmiş bilgilär verdilär kolaylık diil sade üürenmää eni metodları grafika hem incäzanaat uurunda, ama gelän zamanda  bu enilikleri kullanmaa gazetanın hem web sayfasının donatılmasında da.