ÜÜRENMÄK İÇİN GÜMÜŞ MEDALİ
Galina pek utancak hem kalabalıkta önä çıkmaa sevmeyän bir kız. Azetmeer yalancılardan, beener dooruluu. Pek çalışkan, çok kuvet koydu Moskvada okulu islää başarmaa. Elbetki rus uşakların arasanda pek tä kolay diildi, ama o becerdi ekzamennerini hepsini islää vermää. Büünkü günnerdä seviner, ani okulu başardı gümüş medaliylän, lafetmemizdä söledi, ki unutmêêr, ani onun duuması Gagauziyada, neredä geçirdi küçüklüünü. Moskvanın Biberovo rayon administraţiyasının başı baaşladı ona özel bir saat.
1425 defa okunmuş - 04 Ekim 2013 - Cuma 23:40

«Altı yaşımda bän gittim okula küüdä ?O? klasa, orada üürendim iki klas. Ondan sora bän üürendim Moskova okulunda, angısını 2013-cü yılda gümüş medaliylän bitirdim. En sevdiim urok benim için literatura, himiya hem biologiya. En sevgili üüredici ? klas hem himiya üüredicimiz.

Bän pek sık aklıma getirerim ana tarafımı, her yaz gelerim däduma musaafirlää. Bulunmaa orada pek beenerim, sade prost, ani yakışmêêr kalayım  heptenä yaşamaa...

İlerdä isteerim doktor olmaa. Düşünerim, ani bu en önemni zanaatlardan biri. Şindi girdim üürenmää Rusiyanın ?Drujba narodov? universitetinä Moskvada. Savaşacam islää üürenmää, ki ilerdä insannara fayda getireyim, çünkü kimäsä iilik yapmaa ? bu pek önemli» ? annadêr Galina.

Konstantin Kurdoglo

Sağ üst butonu tıklayarak geri dönebilirsiniz...