BAURÇUYA VİZİT
Medik işçileri açıkladılar problemaları. En önemnisiydi o, ani küüdä su proektinin ilerlemesi durgundu. Bu konuyu geniş annattı nasaat başı, umutlandırarıp, ani bir çözüm bulunacek. Ayırılarkan buradan, musaafir İ. Vlah braktı merkez için bir küçük baaşış ? tonometra.
1612 defa okunmuş - 22 Temmuz 2013 - Pazartesi 12:55

Medik işçileri açıkladılar  problemaları. En önemnisiydi o, ani küüdä su proektinin ilerlemesi durgundu. Bu konuyu geniş annattı nasaat başı, umutlandırarıp, ani bir çözüm bulunacek. Ayırılarkan buradan, musaafir İ. Vlah braktı merkez için bir küçük baaşış ? tonometra.
İlerledi buluşmalar programası uşak başçalarında. Uşakları korumak günü için deputat ?Vişenka?, ?Berözka?, ?Teremok? başçalarına braktı sport inventarı, nışannayıp, ani uşaklar için akţiyayı  o bütün avtonomiyada yaptı.  Musaafirlär, dolaşarak hepsi uşak kurumnarını, baktılar odaları hem lafettilär işçilärlän. Kimileri açıkladılar kendi soruşlarını. Örnek olarak terbiyedici  Praskovya Kurdoglo söledi, ani 40 yıl artık oldu, nicä işleer uşaklarlan, ama aylık ödemesi kurêr sade 800 ley. Başka açıklanan problema ? devlettä üürenmäk sistemasının reformaları içindi. Uşak başçalarında hazırlık grupalar kapanacek, annattı terbiyedicilär. Onnar sayêrlar, ani 6 yaşında uşaklar için okula gitmää birinci klasa pek zor olacek.  Artık ?0? klas olmayacek ? küçüklerimiz için bu büük problema, söleerlar onnar. «?0? klaslar olmasa da, düşüneriz, ani evlatlarımız lääzım kalsınnar  uşak başçalarında, neredä olacek derslär okuma, yazma, matematika uurunda hem bununnan paralel zamanında imeelerini iyeceklär hem dinneneceklär», ? söledi ?Berözka? başçasının başı Ekaterina Kristeva. Parlamentariy nasaat etti, ani bu konu lääzım iicä annadılsın ana-bobalara, nedän sora onnarın da kararını hesaba alarak var nasıl danışmaa Üürenmäk Ministerliinä. Çıkış olarak İ. Vlah belli etti, ani Gaguziyanın uşak başçalarında işleyennär bir problemadan aalaşêrlar ?  ödek paraların küçük olması. Açıklanan problemalar için deputat adadı hazırlamaa lääzımnı erlerä danışmaları.
Yana Topal

Sağ üst butonu tıklayarak geri dönebilirsiniz...