GEORGİY YANEV ADINA DZÜDO TURNİRİ KAZAYAKTA
-1
1627 defa okunmuş - 29 Haziran 2013 - Cumartesi 15:31
İlk turnir taa 1985-ci yılda yapıldı. Onu hazırladılar: P. Kol, F. Çakal, D. Dülger, P. Uzun, İ. Dülger. Bu yıl da sıcak may günnerindä, eni tatamidä geçirildi 27-ci turnir. Kendi becermeklerini gösterdilär genç sportçular  bölä kasabalardan, nicä: Sankt Peterburg, Aleksino, Tula, Reni, Pripät, İlyiçovsk, Harkov, Mogilöv, Bender, Belţ, Löva, Kaul, Çimişliya Valkaneş, Komrat hem başka erlerdän. Yortuda pay aldı Çadır dolayın administraţiya başı Sergey Buzacı, Gagauziyanın hem Çadır dolayın afgan veterannarının başları V. Kulikov hem K. Kıvırcık, Grişa Yanevın bobası – Födor Georgieviç, primar G. Kör hem taa çok musaafirlär.
Ofiţial açılıştan sora başladı güreş yarışmaları. Bitkidä belli edildi enseyennär kendi aarlık kategoriyalarına görä: M. Latışev (Belţ), M. Stanov, A. Gribenko (Bender), İ. Momat, N. Dülger, İ. Afatarlı, V. Kör (Kazayak). Kızlar arasında çempion oldular T. Çakal (Kazayak), V. Merganu (Kaul). Genç sportçular tanıştılar Moldovanın anılmış güreşçilerinnän, angıların arasında: trener, sambo güreşindä Dünnä  çempionu P. Kuru (Komrat) hem Dünnä çempionatında gümüş kazanan, halklararası sport masteri F. Dülger (Kazayak).  Çok kerä bu turnirdä birinci oldu kazayaklı Eduard Dilsiz, angısı taa sora Dünnä hem Evropa çempionatlarında gümüş kazandı. Grişa Yanev adına turnir diil sade sport yarışması, ama gençlerin patriotik terbieyetmesi için büük bir katkıdır.
Dmitriy Dülger.
Sport masteri,
Kazayak.

Sağ üst butonu tıklayarak geri dönebilirsiniz...