GAGAUZİYANIN İNDUSTRİYA LİTEYİ İÇİN HAZIRLANMAKLAR
-1
1655 defa okunmuş - 29 Haziran 2013 - Cumartesi 15:23
 “İstemäk olsun, kalanı mutlak tamannanacek”. Büük plannar hem neetlär işä geçirilmää başladı, çünkü yapının hem erin belli edilmesindän sora başka adımnar da yapıldı.  Türkiyä Moldovada Büük Elçilii hem TİKA koordinatorluu bu  düşünmeyä sıcak baktılar hem, zaman kaybetmedään, çalışmalara start verdilär. Gagauziyadan dört kişilik delegaţiya için bir haftalık programa kuruldu.  İstanbul hem Ankara büük industriya liţeylerinä vizitlär hazırlandı. Burada faydalı örneklär, iş detalileri, organizaţiya hem işlerin sistematik  gitmesi için bilgilär edenildi. Sınıflar, stanoklar, aparatlar gösterildi, derslär gösterildi hem ilerdä yapılacek baalantılar için lafedildi. Dolaşıldı industriya bölümnerin tehnika, maşina, elektronika, mediţina, aşçı, turizma hem başka bölümneri. Hep bu günnär içindä yapıldı protokol buluşmaları Türkiyenin  Üürenmäk bakannıında, TİKAda, Yurtdışı Türklär hem Akraba Topluluklar başkannıında. Gagauziyanın delegaţiyası, angısına girdilär Nikolay Stoyanov, Vera Balova, Dmitriy Gradinar hem Pötr Novak, sayêrlar, ani bu günnär içindä çok eniliklärlän tanıştılar hem lääzımnı buluşmaları yaptılar. Bunnar hepsi kullanılacek Gagauz İndustriya liţeyin hazırlanmasında.
Sıradakı adımnar, angıları kısa vakıtta lääzım yapılsın: yapının düzmä işleri smetasının çıkarılması, liţeyin registraţiyası için dokumentlär, bölümnerin belli edilmesi, yapının donadılması, üüredicilerin hazırlanması, ders programasının kurulması.
İvanna Köksal

Sağ üst butonu tıklayarak geri dönebilirsiniz...