DMİTRİY KARA ÇOBANIN 80-Cİ YILDÖNÜMÜ
-1
1402 defa okunmuş - 29 Haziran 2013 - Cumartesi 15:02
Beşalma her yıl anêr kendi anılmış oolunu onun duuma günündä. Bu yıl burayı toplandı çok insan, vardı musaafirlär Komrattan, Baurçudan, Başküüdän, Kişinövdan, Türkiyedän... Kultura evindä toplanan insannarı selämnedi Gagauziya Başkanı Mihail Formuzal. O söledi, ani Kara Çobanın gagauz dili hem kulturası için yaptıkları pek büük, ani bu adamın yaşaması hem yaratmaları genç boylara bir üüsek örnek. Sora söz verildi Kara Çobanın dostlarına, okuyucularına, angıların arasındaydı “Açık göz” gazetasının redaktoru İvan Topal, resimci Dmitriy Savastin, yazıcı Stepan Bulgar, Boba Dimitri Kioroglo, cümnä zaametçisi Nikolay Dimitroglo h. b. Pek meraklı annattı Kara Çobanın küçüklüündän bir epizod Nikolay Petroviç Kadın (92 yaşında!). Kara Çobanın yaşaması için gösterildi bir kısa dokumental film.
Programada vardı konțert: artistlär çaldılar türkü – Lüdmila Tukan, Vitaliy Manjul, gösterdilär halk oyunnarını.  Yortunun ikinci payı geçti Kara Çobanın kurduu muzeydä. Bitkidä, avşam üstü, musaafirlär gittilär Kara Çobanın mezarına.
Bütün bu yortuyu Gagauziya kultura bakannıı yardımınnan hazırladı Dmitriy Nikolaeviçin kızı, Beşalma muzeyin direktoru Lüdmila Dmitrievna Marin.
Petri Çebotar.
Foto: Lüdmila Marin.
Sağ üst butonu tıklayarak geri dönebilirsiniz...