Renkli, resimni Gagauzça kalendar çıktı!
-1
1131 defa okunmuş - 22 Nisan 2013 - Pazartesi 11:51
 Bölä neet için taa ilerdän dä işittiydim, ama gerçekleşmesinädän geçti birkaç yıl. 2012-nci  yılın bitkisindä kalendarların maketini bana yolladı Gagauziya başkanın yadımcısı Nikolay Stoyanov. Türkiyedä birkaç erdä bu konuda buluşmaları yaptım. Sonunda  kalendarı çıkarmaa deyni finans tarafını üstünä aldı “T.C.Yurtdışı Türkler ve Akraba Topluluklar Başkanlığıı”. (Bilersiniz, ani hep bu kurum geçän yıl şkolalarımız için hrestomatiya kiyatlarını da basıp Gagauziyaya yolladı.) Biraz çalışmadan sora kalendarın uygun olan sayfalarına gagauzça şiirlär, türkülär, önemli sözlär dä eklendilär. “T.C.Yurtdışı Türkler ve Akraba Topluluklar Başkanlığıı” kurumun Gagauziyaya yapılan kiyat konusunda ikinci önemli proekti oldu. Saa olsunnar! Ay hem hafta günnerini görmektän kaarä şıralı hem üüsek uurda profesionalca yapılan uşak resimneri gözlerimizi sevindirer. Resimin yanında da: Gagauziyanın Gimn sözlerini, gagauz avtorların peetlerini hem derin özlü sözlerini okuyabileriz.
Sevindirer, ani herbir resimin altında veriler avtorun adı, yaşı, hem resimin adı. Kalendar 2013-2014 yy. hazırlanmış Dmitriy Savastin adına Komrattakı Uşak Resim okulun 30-cu yıldönümü için.
Herbir kalendarın 16 sayfası var, tiraj her yıl için ayırı 2000 ekzemplär.
Kalendar oldu tarafımıza taa bir baaşış, angısını evltatlar kendi becerekli ellerinnän  hazırladılar. Hem ustalıklarını gösterdilär, hem kulturamıza izmettä bulundular.  
Sağ üst butonu tıklayarak geri dönebilirsiniz...