Gözellik – insannar için!
0
1077 defa okunmuş - 22 Nisan 2013 - Pazartesi 11:47
«Miss Gagauzıya» konkursu geçer Gagauzıyuda her yıl. Onun organızatoru hem da öndercisi – Nına Dımoglo.
Yok nasıl paylaşmayalım sevinmeliklän, angısını birkaç ay taşıyêrız hepsimiz baurçulular. Genç kızlar arasında “Miss Gagauziya” konkursu Gagauziyada geçti, ama  hodulluumuz, ani Avtanomiyadan katılan 12 kızın içindän seçildi baurçuluyka, bizi kabardêr hem kef verer. Elbet, pay alan kızlarımız herkezi kıvrak hem becerekliydi. Simaları – sevda türküsü kadar inceli hem boyluydu. Hepsi da umutlanardı kazanmaa ilk eri, hem onnarın dooruluu vardı, çünkü  Komrattakı kultura evin salonu dop-doluydu. İşin en zor tarafı jüri azalarına brakıldı, onnara kolay diildi, ama her yarışmanın birincisi belli edilsin lääzım. O kişi dä bizim küülü – Anna Kurdoglo oldu! Üüsek boylu, karagöz, incä tenni, Anna sevindi kendisi hem bütün Baurçu küüyünü dä sevindirdi.
Anna Kurdoglo üürener 11-ci klasta Baurçu liţeyindä. Kendisi açık ürekli, çemrek hem şen insan. Var çok dostları, kumaları, angılarınnan havezlän hem faydaylan zaman geçirmää beener. Saa olsunnar Annanın anası hem bobası, ani büüderlär bu akıllı hem dä gözäl kızı.

Sağ üst butonu tıklayarak geri dönebilirsiniz...