Çoktan beklenilän olay
0
1086 defa okunmuş - 20 Şubat 2013 - Çarşamba 13:41
Bitki yıllarda biz çok lafederiz kulturamız hem dilimiz için. Bu sferada çok yapılêr: çıkêr radio- hem teleprogramalar, basılêr gazetalar, jurnallar, eni kitaplar, geçer kongreslär hem festivallär.
Ama situațiya köktän diişilsin deyni, taa çok işlär lääzım yapılsın.
 O işleri başarmaa deyni, aralarımızda lääzım olsun bare biraz birlik. Bu uurda gagauz dilindä eni bir gazeta var nasıl oynasın büük rol. Sanêrım, ani o diil lääzım açıklasın hem korusun bir kişinin yada bir küçük partiyanın intereslerini. O lääzım olsun açık, meraklı, tolerantlı, ki toplayıp birleştirsin halkımızın büük bir payını. Sade ozaman o var nasıl tamannasın kendi üüsek patriotik misiyasını.
Onuştan bän sevinerim hem umut güderim “MEYDAN” gazetasının duumasına. Havezlän hazırım kuvedimä görä yardım etmää onun ilerlemesinä. Dua ederim ona uzun hem faydalı ömür!  
Sağ üst butonu tıklayarak geri dönebilirsiniz...