Şindi Taa Kolay Oldu Üüretmää
-1
1084 defa okunmuş - 20 Şubat 2013 - Çarşamba 13:02
Gagauz dilini liţey klaslarında hem uşak başçalarında üürenmää hem üüretmää artık taa raat oldu. 2012-ci yılın ikinci payında üürenmäk kurumnarımıza, üürenicilerä hem üüredicilerä deyni eni kiyatlar etişti: • 10, 11, 12-nci klaslar için “Hrestomatiya” • Uşak başaçalarında büük, küçük, orta grupalar için “Ana dili” • Üüredicilär için “Didaktika işleri toplumu” • Gavril Gaydarcı – peet toplumu “Ana tarafım” • İvanna Köksal – uşaklar için şiir çevirmeleri “Renkli zaman” Enilenmiş kurikulumun liţey klaslarında geniştän kullanılması için, yapıldı ilk denemäk, deyni hazırlamaa gagauz ilteraturasında hrestomatiyayı 10-11-12 klaslar için. Hrestomatiya yardımcı olacek üürenicilerä hem abiturientlerä hazırlanmaa gagauz literaturası derslerinä hem giriş ekzamennerinä. Bu kiyat kolaylık verecek gagauz dili hem literaturası üüredicilerinä, üürenicilerä, studentlerä, mas-mediya uurunda işleyennerä, devlet kurumnarında çalışannara, türkologiyayı aaraştıran bilim adamnarına hem başka insannara. Kiyatlar Gagauz Yeri Genel Üüretmäk Müdürlüü hem M. Maruneviçin adına bilim aaraştırmaları hem metodika işleri merkezi tarafından hazırlandılar. Eski GHT deputatı İvanna Köksalın yaptıı işbirliinä görä, T.C. ” Başbakanlık Yurtdışı Türkler ve Akraba Topluluklar Başkanlığın” tarafından hepsi bu kiyatlar basıldı sora da Gagauziyanın üürenmäk kurumnarına getirildi hem daatıldı.
Sağ üst butonu tıklayarak geri dönebilirsiniz...