GRTda Büük Diişilmeklär
-1
1079 defa okunmuş - 20 Şubat 2013 - Çarşamba 12:45
Gagauziya radiosunun hem televizionun sesleyici hem siiredici sayısı bitki yıllarda zeeydelendi. GRT-nın haberleri, programaları Gagauziyanın gerçek yaşamasını, aktual soruşlarını açıklamaa savaşêrlar – bölä dä lääzım olsun. Cümnä Radio hem Televizion Kurumun borcu bu – dooru, tarafsız hem çabuk haberi insannarımıza etiştirmää. Bunnarı yapmaa deyni GRT kurumunda çalışan insan sayısı hep vardı, ama kullanılan tehnika, enilenmeyip, elbetki yıpranêr. Enilemää radio hem televizion tehnikasını GRT-nın finans kuvedinä görä diildi. Kendi ayırı yapısı GRT-nın hiç olmadı. 15 yıl sıravardı Komrattakı Muzeyin bir katını kaplêêr. Ondan ileri da KDU (Komrat Devlet Universiteti) yapısındaydı. 2003-2004 yıllarda, TİKA proektinä görä, studiyanın içi enilendi, TRT tarafından kullanılmış, ama kaliteli, büünä kadar kullannılan tehnika getirildi, montaj odaların sayısı zeedelendi. GRT-nın kendi direkleri, verici-alıcı sistemaları koyuldu. GRT-nın çalışannarı da, bir tarafta kalmamak için, küçük işleri çalışma odalarında, bütün katta yaptılar, ama gerçek televizion hem radio donatımını yapmaa kendi kolaylıkları yoktu. 2012-nci yılda TİKA kurumu tekrar yardım elini uzattı. GRT-nın en büük problemalarını çözmää, modernneştirmää deyni, şindi yakın 300 bin evroluk iş yapılêr. Kapular, pençerelär, erlär, duvarlar, masalar hem dolaplar da hepsi enilener. Hem televizion, hem radio studiyaları eni profesional tehnikaylan donatılaceklar. TİKA-nın tarafından tutulduu işçilär durmadaan işleerlär iki ay sıravardı, ama kış zamanın suukları beterinä işlär taa bir aya uzadılar. Bu proekt başa çıktıynan, GRT artık yaşayannara taa kaliteli izmeti veräbilecek . Yıllarlan Türkiya devleti GRT-nın ayakta kalması için eni proektleri yapêr. Bu baalantıları korumaa hem taa sıkı yapmaa deyni, çok kuvet hem istemäk halkımıza yardımcı olmaa neetinnän koyêr Türkiya – Moldova Dostluk Dernään başı Rafet Köksal. Umutluyuz, ani Gagauziya çok yıllar yaşayacek, eer statusunu kaavileştirän kaynaklar korunarsa: kultura, istoriya, adetlär, dil. Hepsi bu kaynaklar da şüpesiz korunacek, yaşadılacek, eer en büük kaynak – Gagauz Radiotelevizionu – yaşarsa. ALLA UZUN
Sağ üst butonu tıklayarak geri dönebilirsiniz...