301 Moved Permanently

Moved Permanently

The document has moved here.

Haber Detayı
04 Ekim 2013 - Cuma 23:46 Bu haber 1757 kez okundu
 
HALKLARARASI FUTBOL FESTİVALİ
İyül ayın 14-20 Vengriyada, Karoşvar kasabasında, yapıldı halklararası futbol festivali, neredä pay aldı 25 devlet.Katılannar ? 9-18 yaş aralarında uşaklar. Sport Liţey-internatından bu turnirdä pay aldı 1995-1996 duuma yıllarından uşaklar. Seftä Gagauziya gençlerin oldu kolayı gitmää bu prestijli turnirä. Gösterdilär kendilerini Gagauziya adından, kazandılar kubok hem altın medalileri.
SPORT Haberi


İlkin oyunnar altgrupalarda geçti. bizim uşaklar oynadılar Vengriya, Serbiya, Horvatiya takımnarınnan, kazandılar ilk eri da Vengriya «Topovar» takımınnan yarıfinala çıktılar. İki taym bitti sayıylan 1:1, da enseyiciyi seçtilär 11 metradan penaltiylän. Burada da bizim uşaklar üstün çıktı. Bölä gagauz takımı kazandı hakını oynamaa finalda 1-2 erlär için.  Finalda bizim futbolcuları beklärdi pek kaavi takım «Nagyba», angısının istoriyası başlêêr taa 1914 yıldan.

 

Gözäl stadionda işidiler Moldovanın hem Vengriyanın gimnnarı, Horvatiyadan sudya verer ses, ani başlêêr maç. Bizim çocuklar baştan taa alêrlar ilersini da 15-ci minutta Vladimir Haritov yapêr sayıyı 1:0. İkinci taymda da bizim futbolcular birkaç kerä sayıyı üüselttilär, ama vardı çok kullanılmadık momentlär dä. Oyunun bitki minudunda bizä karşı oynayan takım ceza uruşunnan denkleşrtirer sayıyı. Da genä karar veriler  11 metradan uruşlara. Bitki şans verildi kalecilerä. Bizim takımın kalecisi gözäl bir top soktu, karşı takımın topu sa kalä üstündän uçtu. Final biter  sayıylan 8:7. Bölä bizim uşaklar festivalin çempionnarı oldular. Avtonomiyanın futbol istoriyasında bizim uşaklar seftä bukadar başarılı oldular. Onnar gösterdilär, ani küçük avtonomiyada  gagauzlar becererlär oynamaa futbol. Bu başarıyı kazandılar uşaklar Tomay, Etuliya, Kongaz, Çadır, Komrat, Başküü  küülerindän.  Çok islää oynadılar turnirdä D. Kalaraş, V. Haritov, S. Çanev, S. Konstantinov, G. Lisiţa. Bu çocuklar Moldovanın eni çempionatında oynayaceklar «Б»  diviziyasında «Коmrат» Futbol Klubunda, angısınnan en yakın zamanda yapaceklar kontrakt.  «Коmrат»  Futbol Klubu hem Sport liţeyi aralarında artık imzaladılar işbirlii için annaşma. «Коmrат» Futbol Klubu isteer enidän cannandırmaa kasabanın futbol adetlerini, kurmaa ii bir takım, kazanmaa turniri  «Б»  diviziyasında, önümüzdeki yıla da çıkmaa Moldova çempionatının «А»  diviziyasına.

 Takımnarı toplayaceklar  Sport liţeyin üürenicilerindän hem Gagauziya küülerindän talantlı çocuklardan.

 Şükür ederiz Gagauziya Başkanına M.M. Formuzala hem GHT Başına D.G. Konstantinova, ani verdilär finans yardımı, da bizim uşaklar gidäbildilär bu turnirä.

 

Kaynak: Editör:
 
Etiketler:
Yorumlar
En Çok Okunanlar
Divizia Națională EDIŢIA 2019
CLASAMENT 
LOC ECHIPĂ MECI   VIC.   PUNCTE
1 DINAMO-AUTO 1 1 3
2 SFÎNTUL GHEORGHE 1 1 3
3 SHERIFF  1 1 3
4 PETROCUB-HÎNCEŞTI 1 1 3
5 SPERANȚA 1 0 0
6 ZIMBRU 1 0 0
7 MILSAMI 1 0 0
8 CODRU 1 0 0
Anketler
Meydan! gazetası nasıl olmuş?
Arşiv Arama
Haber Yazılımı