301 Moved Permanently

Moved Permanently

The document has moved here.

Haber Detayı
29 Haziran 2013 - Cumartesi 14:41 Bu haber 1375 kez okundu
 
BUYURUN GELİN HAYDARA...
-1
Arşiv Haberi


Haydar küüyündä “Romaşka” uşak başçasında hazırlık grupasını okula geçirmää gelennär salonu doldurdular. Buradaydı küüyün popazı Boba Nikolay, primar İlya Kösä, deputat Födor Gagauz, yazıcı Konstantin Kurdoglo, Çadır dolayın üüretim bölümündän Anna Filioglo hem analar-bobalar. Bu yortu çok zamana kalacek herbirin aklısında, çünkü sţenariy okadar meraklıydı, ani istärdik bu gösteri saatları hiç bitmesin. Bitki ayırılma konţertindä uşaklar pek gözäldilär, salon gercik donadılmıştı. Türkülär, oyunnar, şiirlär sevindirärdilär siiredicileri. Yortuya analar hem bobalar da renk kattı, onnar uşaklara hem siiredicilerä deyni türkü çaldılar. Elbetki kendi kutlamasını söledi uşak başçasının başı Valentina Kuru, primar da adetä görä hepsi uşaklara baaşış verdi. Yortunun ikinci payı ilerledi dışarda, neredä bitki oyundan sora herbiri gök üzünä kısmet şarlarını kolverdi;  sora salüt patladıldı. Toplu foto, ani yapıldı uşak başçasında, girecek küüyün istoriya sayfalarına. Ama bununnan bitmedi. En meraklı hem şen moment bitkidä yaşandı. Marş muzıkasınnan taligalarda bütün grupanın uşaklarını hem terbiyedicileri bitki kerä uşak başçasından geçirdilär. Şansora yolları okula dooru olacek. Analar-bobalar şükür ettilär uşak başçasının çalışannarına bu yıllarda yapılan izmetlär için. Uşaklara da dua ettilär – yolları açık olsun! Yortuyu hazırlamaa deyni çalıştılar terbiyediclär Ekaterina Avram, Fedora Pavloviç, metodist Nadejda Koçancı h. b.
Kaynak: (İHA) - İhlas Haber Ajansı Editör:
 
Etiketler:
Yorumlar
En Çok Okunanlar
Divizia Națională EDIŢIA 2019
CLASAMENT 
LOC ECHIPĂ MECI   VIC.   PUNCTE
1 DINAMO-AUTO 1 1 3
2 SFÎNTUL GHEORGHE 1 1 3
3 SHERIFF  1 1 3
4 PETROCUB-HÎNCEŞTI 1 1 3
5 SPERANȚA 1 0 0
6 ZIMBRU 1 0 0
7 MILSAMI 1 0 0
8 CODRU 1 0 0
Anketler
Meydan! gazetası nasıl olmuş?
Arşiv Arama
Haber Yazılımı