301 Moved Permanently

Moved Permanently

The document has moved here.

Haber Detayı
22 Nisan 2013 - Pazartesi 11:43 Bu haber 991 kez okundu
 
Rusiyadan Ana topraama seläm!!!
-1
Arşiv Haberi


Üürenerim Rusiyada artık 4-cü yıl. Nijniy Novgorodta Politeh Universitetin ekonomıka fakultedindä. İsteerim paylaşmaa sizinnän, ani ilk yıllar, açan bän burda başladım üürenmää, hiç kimsey  bilmärdi, kim o gagauzlar. Da bän bir taraftan şaşardım buna, ama öbür taraftan sevinärdim, ani var sebep hem kolaylık  büük hodulluklan annatmaa hem kendim için, hem benim halkım için: nekadar o çalışkan, nekadar girgin hem nekadar dayanıklı. Bu annatmalar boşta kalmasınnar deynı, bän  ilk günnerdän beeri savaşêrım islää üürenmää, almaa nekadar taa çok bilgi, aniki universitettän sora olmaa becerekli  hem  başarılı uzman.
Bizim grupamızda var gözäl adet  türlü yortulu avşamnarı geçirmää. Onnarın birini dä bän hazırladım. Universitetteki dostlarıma gagauzların milli imeesini – piinirli gözlemä pişirdim. Bu noktada lääzım açıklayım, ani açan anam  Rusiyaya üürenmäk için beni yola hazırlardı, koyduydu yanıma piinir dä. Bän dä sölenärdim, ani diil lääzım, zerä imeyecäm onu.
Anam da yaşlarını dökeräk, ani bän okadar uzaklara giderim üürenmää, sölediydi: “Kızım, sus ta al ne koyêrım, zerä  oralarda olacan kendibaşına, anan-boban yanında olmayacek, ne kendin hazırlayacan, onu da iyecän. Hem tut aklında, ani studentlik hem parasızlık yan-yana gezerlär”. Nekadar dooruymuş benim anam!     
...Açan ikram ettim dostlarıma gözlemeleri, onnar pek beendilär deyärsäm – hepsini sölämemiş olacam.
Şaka gibi, ama haliz parmaklar yalandılar! O avşamdan sora “başım derttä”  – herzaman sorêrlar, nezaman bana musafirlää, gözlemä imää  teklif edeceymişim. Piinir bittiynän, yaptım hem ikram ettim dostlara bizim mancalarımızı da.
Bölecä, onnar tanıştılar diil sade bir gagauz kızlan, ama gagauz  halkın imeklerinnän dä. Dayma savaşêrım pay almaa hepsi yortularda hem yarışmalarda, angıları geçerlär universitettä. Bizim grupamız başkalaşêr onunnan, ani  bizdä dostluk, annaşmak hem birlik var, o üzdän universitettä bizim grupamız ilk erlerdä bulunêr hem üürenmektä, hem dä türlü yarışmalarda. Elbetki, üürenmäk Rusiyada bana bir büük şans. Bu devletin var  zengin istoriyası, kulturası, ama en önemli o, ani bu devletin kaavi ekonomikası da.  Bakarak Rusıyaya, bizim Gagauz Avtonomiyamız küçük bir er, angısı gücülä ayaa kalkêr. O üzdän bän verdim kendimä laf, ani, universiteti bitirip, dönecäm evä, da mutlak işleyecäm kabledilmiş zanaatıma görä. Bän pek mutluyum, ani burda üürenerim, ama sıkça sancılêêr ürääm,  pek özleerim benim Gagauziyamı! Not: dört yıl geeri Svetlana Maresyeva, Respublikanın üürenmäk programasına göra, Rusiyadakı universitettä üürenmäk için Gagauziyadan üüsek notalara görä seçilän iki kişidän biri oldu. Bakmayarak, ani grupada taa çoyu rus uşakları, Svetlana hem notalarına, hem aktiv olmasına göra 3-cü yıl starosta ayırılêr.

Kaynak: (İHA) - İhlas Haber Ajansı Editör:
 
Etiketler:
Yorumlar
En Çok Okunanlar
Divizia Națională EDIŢIA 2019
CLASAMENT 
LOC ECHIPĂ MECI   VIC.   PUNCTE
1 DINAMO-AUTO 1 1 3
2 SFÎNTUL GHEORGHE 1 1 3
3 SHERIFF  1 1 3
4 PETROCUB-HÎNCEŞTI 1 1 3
5 SPERANȚA 1 0 0
6 ZIMBRU 1 0 0
7 MILSAMI 1 0 0
8 CODRU 1 0 0
Anketler
Meydan! gazetası nasıl olmuş?
Arşiv Arama
Haber Yazılımı