301 Moved Permanently

Moved Permanently

The document has moved here.

Haber Detayı
20 Şubat 2013 - Çarşamba 13:51 Bu haber 1032 kez okundu
 
İncä duygulu Gagauz Yeri
-1
Arşiv Haberi


     Eni 2013-cü  yılda umut ederim, ani Ana dilimizin zor vakıtları bitkiyä yaklaşacek. Umutlanêrım, ani eni 2013-cü yılda Ana dilimizin tragik kaybelmä periodu “aykırlanacek”, bitecek.  Umut ederim, ani bizim üüsek hem girgin öndercilär yorulaceklar kavga etmää yabancı dildä da, eri geldiinän,   çekedeceklär çekişmää Ana dilimizdä. Umut ederim, ani sade ozaman hepsi kavgalar bizim Gagauziyada biteceklär, zerä onnarın aklılarına mutlak gelecek evelki  adetlerimiz, akıllı sözlerimiz: “Bu kavga bu içerdä kalsın”.
   Genä dä umut ederim, ani dayanarak 2012-ci yılda dekabrinin 18-ndä kabledilän Komrat mun.  Sudun kararına, açan sudya S. Popoviç  belli etti, ani Gagauziyanın Bakannık Komiteti hem Halk Topluşunun çalışmaları gagauz dilinin avtonomiyada işlemesinä engel ederlär, eni seçilän Halk Topluşu D. Konstantinovlan başında yakın zamannarda  “Gagauziyada maasus üç dildä üürenmesi için” kanonu kabledäbilecek. Da bundan sora hepsi Gagauziyanın üürenmäk kurumnarında, bu sayıda Komrattakı Moldovan liţeyi dä, eni gelän uşaklarımızı başlayaceklar üüretmää eni programaya görä: predmetlerin 34% – gagauz dilindä, 33% – devlet dilindä, 33% – rus dilindä. Bölä üürenmäk sistemasını kullanarsak, 20 yıldan sora büüyecek eni kuşak, angısı birtürlü uurda  en az üç dil kullanabilecek. Çıkış olarak bizim Ana dilimiz korunacek, rusça unudulmayacek, Kişinövda da kimsey takazalamayacek bizim uşaklarımızı, ani onnar  devlet dilini bilmeerlär.
Esaba alarak, ani Moldova bulunêr birtürlü uzaklıktan nicä Moskovadan, ölä dä Strasburgtan, hem ani 2013-cü yıl Moldovada bildirildi nicä vatandaşların Evropa yılı (http://www.rbc.ru/fnews.open/20130103005733.shtml), eminim, ani bu yıl artık kapatacek kavgayı Moldovanın geopolitika kaderi için.  Moldovanın 101 deputatın kablettii kararlarına saygı duyêrız, ama  kayıl olmasak ta, devletin  vatandaşları kullanabilsinnär kendi  hakını MR Konstituţiyasının 111-ci statyasına hem Gagauziyanın  kanonnarına görä – dış baalantılarını kurmaa deyni kendibaşına karar veräbilmeleri için (Eer devletin baamsızlık statusu kaybedilärsä, avtonomiya hem benzeyän bölgelär,  kazanabileceklär hakı dış baalantılarında kendibaşına olmaa).

Kaynak: (İHA) - İhlas Haber Ajansı Editör:
 
Etiketler:
Yorumlar
En Çok Okunanlar
Divizia Națională EDIŢIA 2019
CLASAMENT 
LOC ECHIPĂ MECI   VIC.   PUNCTE
1 DINAMO-AUTO 1 1 3
2 SFÎNTUL GHEORGHE 1 1 3
3 SHERIFF  1 1 3
4 PETROCUB-HÎNCEŞTI 1 1 3
5 SPERANȚA 1 0 0
6 ZIMBRU 1 0 0
7 MILSAMI 1 0 0
8 CODRU 1 0 0
Anketler
Meydan! gazetası nasıl olmuş?
Arşiv Arama
Haber Yazılımı