Haber Detayı
20 Mayıs 2014 - Salı 10:23 Bu haber 1917 kez okundu
 
OLGA İVOGLO, şiirlär...
ÜÜRENMÄK Haberi


«Sensiz...»
 
Sensiz, canım, günnär yıla benzeer.
 
Sensiz bu havada sade lüzgär eser,
 
Seninnän er üzü taa donaklı,
 
Seninnän gecelär taa yıldızlı!
 
 
Sensiz, sevgim, sevinmeliim renksiz.
 
Sensiz, yazlar da, sansın çiçeksiz,
 
Seninnän gök dibi dä taa maavi,
 
Seninnän duygularım da taa kaavi!
 
 
Sensiz, eşim, gözün yaşı akêr.
 
Sensiz bulut hep güneşi saklêêr
 
Seninnän başçalar da taa güllü,
 
Seninnän şiirlerim da türkülü!
 
 
Sensiz, kocam, evim kär temelsiz.
 
Sensiz lafım da, sansın selämsiz,
 
Seninnän yaamurlar da gülümseer,
 
Sade seninnän, canım taa sık düüler!
 
 
Şükür ederim...

Şükür ederim ürektän bän Allaha,
 
Ani bu ömürü O baaşladı bana!
 
Ki gösterdi gözäl yaradılmış bu dünneyi
 
Hem dä yardım eder kullanayım bän sevgiyi.
 
 
Şükür ederim, ki duudum bän ayledä!
 
Ana-boba oldu dayak bu aydınnık erdä.
 
Ayırmadı beni ne saalıktan, ne vergidän,
 
Hem ani payetti – hem kuvettän, hem iiliktän.
 
 
Pek şükürüm, ani bendä Vatan da var!
 
Uslu maavi göklär hem dä eşil kırlar. 
 
Hem herzaman var kolayım dönmää evä,
 
Nasıl bän şükür etmeyim bu ayozlu erä?
 
 
Bän şükürüm yoldaşıma da, dostuma da! 
 
Ki verdilär nasaat hem ders vakıdında,
Hem ani yanılmış yaptıklarımı prostettilär,
 
Acı laflarımı da aklıma getirtmedilär.
 
 
Şükür etmää hiç doymayacam bän eşimi!
 
Bin yıldızın arasından seçiverdi beni.
 
Uzak hem zor yoldan oya geldi,
 
Ama o lääzımnı kısmetimi etiştirdi.
 
 
Hep şükürüm serin hem dä taazä sabaalara!
 
Sıcak yada suuk lüzgerli havalara.
 
Hoşluk dolêr içim çiçek açmasından,
 
Türküm dä taa sesli şu kuş çalmasından.
 
 
Ani yaşêêrım, sevinerim hem gülerim,
 
Hem dä kimär sıra pişman olmaa bilerim,
 
Ani gözüm dolêr paasız kısmetlerdän –
 
Bu masallı dünnä için – şükür ederim bän!

 
 
Kaynak: Editör:
 
Etiketler:
Yorumlar
Ulusal Gazeteler
Yazarlar
En Çok Okunanlar
Alıntı Yazarlar
Komrat
Parçalı Bulutlu
Güncelleme: 15.08.2018
Bugün
12° - 27°
Perşembe
14° - 30°
Cuma
14° - 31°
Anketler
Meydan! gazetası nasıl olmuş?
Komrat

Güncelleme: 14.08.2018
İmsak
03:41
Sabah
05:18
Öğle
12:27
İkindi
16:13
Akşam
19:23
Yatsı
20:52
Süper Lig
Takımlar
P
Av
M
B
G
O
Arşiv Arama
Modül 1

Bu modül kullanıcı tarafından yönetilir, ister kod girilir ister iframe ile içerik çekilir. Toplamda kullanıcı 5 modül ekleme hakkına sahiptir, bu modül dahil tüm sağdaki modüller manuel olarak sıralanabilir.

Haber Yazılımı