301 Moved Permanently

Moved Permanently

The document has moved here.

Haber Detayı
17 Nisan 2014 - Perşembe 12:40 Bu haber 1021 kez okundu
 
SPORTŞKOLADA VOLEYBOL YARIŞMASI
Arşiv Haberi


  Fevralın 15-dä Çadır-Lungada Sportşkolada №2 geçti 1998 d. y. hem taa küçük yaştan kızlar arasında voleybol yarışmaları. Bu ilk ofiţial turnir, neredä sportşkolanın üürenicileri kendi aralarında geçici kubok için oynadılar. Yarışmak hazırlandı liţeyin direktoru Andrey Kırkelanın yardımınnan, angısı çalıştı, ani bu voleybol yortusu kalsın uşakların aklında. Onun için hazırlandı medalilär hem en ii oyuncular için baaşışlar. Sportşkolanın çempion titulu için yarıştılar Caltay, Baurçu, Tomay hem Çadır filialların takımnarı. Açılış sözünü ilkin tuttu Andrey Kırkelan. O söledi, ani bu turnir artık olacek tradiţional, annattı genel kuralları, diledi hepsinä başarılı olsunnar. Sora kendi sözünü söledi gençlik hem sport baş uzmanı G. V. Arabacı, angısı kutladı sportçuları hem nışannadı, ani dolayımızda kızlar arasında voleybol turnirleri başladı taa sık olmaa.

  Bütün gün boyunca biri-birinnän yarışardılar takımnar. Pek meraklıydı Baurçu–Caltay hem Caltay–Çadır takımnarın oyunnarı. Tarayan takım belli oldu sade üçüncü partiyadan sora hem bal sayısı, ani ayırardı onnarı biribirindän, pek küçüktü. İlk erä çıktı Çadır takımı, trener İ. Dimitrov. İkinci eri kazandılar kızlar Baurçudan, trener K. Kurdoglo. Üçüncü eri aldı Caltay takımı, trener İ. İvanov, hem dördüncü oldu Tomay takımı, trener N. Pandur. Yarışmanın en ii oyuncuları da seçildilär: E. Gaydarcı (Baurçu) hem A. Kuleva (Çadır). Hep bu gün belli edildi oyuncular, angıları gireceklär Çadır dolayının toplu voleybol takımına Respublika Çempionatına katılmaa deyni.

Konstantin Kurdoglo

Kaynak: Editör:
 
Etiketler:
Diğer Fotoğraflar


Yorumlar
Divizia Națională EDIŢIA 2018
CLASAMENT
LOC ECHIPĂ MECI   VIC.   PUNCTE
1 SHERIFF 28 19 63
2 MILSAMI 28 13 45
3 PETROCUB-HÎNCEŞTI 28 12 45
4 SPERANȚA 28 9 38
5 ZIMBRU 28 9 36*
6 DINAMO-AUTO 28 7 28
7 SFÎNTUL GHEORGHE 28 6 26
8 ZARIA 28 4 22
Anketler
Meydan! gazetası nasıl olmuş?
Arşiv Arama
Haber Yazılımı