Haber Detayı
04 Ekim 2013 - Cuma 01:39 Bu haber 1810 kez okundu
 
BİZİM İSTORİYAMIZ
Bu bölümdä annadacez sizä gagauz halkının bir oolu için, angısı duudu Çadır kasabasında. Adı onun Keleş İvan Rodionoviç. O çekiler çiftçi dinastiyasından, senselelerin arasında var Birinci hem İkinci dünnä cenklerindä pay alannar. Sovetlär vakıtlarında Keleş aylesi kaldırılmış Sibirä. Bobası onun haksız kapanmış lagerä, anası yalnızlık nevoyasında bakmış 4 uşak. İvan Keleş erken kaybetmiş anasını, ama yaşamanın zorluklarını hem denemelerini aykırlamış. Zaman attı onu uzak Uzbekistana, neredä o oldu saygılı hem sevgili insan. Şüpesiz, bu bizim gagauz hodulluumuz, angısını lääzım bilsin hem ondan örnek alsın gençlerimiz.
ONEMNİ Haberi


Dooru, ani insan    metinnener kendi işlerinnän... Bu laflar bizim vatandaşımız için. İş sırasında o buluşmuş V. Çernomırdinnän (Rusiya Premyer-ministrusu), Denkovlan (Sovet Birlii zamannarında Gaz ministerliin başı) hem başka bilinän adamnarlan. Onun var devlet ödülleri, olmuş Uzbekistan Meclisin deputatı, respublikanın anılmış industriya zaametçisi. Siirek insan var nasıl sölesin, ani uzun zaman çalıştı ?Mubarek? petrol işletmä erlerindä  hem taa başka büük erlerdä genel direktor. İki yıl işledi Afganistanda, cenk  zamannarında. Onun için yazılı kiyatta «Дарующие людям тепло», angısını hazırladı Uzbekistanda bilinän jurnalist Orif Omonov. Yazının adını jurnalist koymuş «Келеş-бобо» («Келеş-бобa»), göstereräk büük saygı İvan Rodionoviçä.

İvan Keleş ? Uzbekistanın anılmış industriya zaametçisi

Bu annatmamın yazılmasına sebep oldu Çadırda kaldırılmışların anmak  taşının yanında iyül ayın 6-da 2013-cü yılda geçän miting. Toplantıda tanıştım Keleş aylesinnän. Mitingtän sora yaklaştım duran insannara da sordum, kim burada bulunêr Administraţiya adından. Belli oldu, ani insanın adı Sofiya Keleş. Onunnan lafedärkän, annadım, ani onun anası da kaldırılmış Sibirä 1949-cu yılda hem onunnan bilä varmış taa 3 kardaşı da. Taa sora üürendim, ani anasında varmış kiyat Uzbekistanın anılmış neftegaz sferasında işleyän senselesi Keleş İvan Rodionoviç için. Birkaç vakıttan sora o kiyat etişti ellerimä, da şindi oldu kolayım sizi dä tanıştırayım bu adamın meraklı yaşamasınnan.

Keleş İvannan doorudan baalanamadım, çünkü yaşêêr Uzbekistanda Buhara kasabasında. Çıkmış pensiyaya da zanaatlanêr ev işlerinnän. Ama büün dä ona hep geler gençlär nasaatlar hem bilgi yardımnarı için.

Keleş İvan Rodionoviç duumuş 1937 yılda Çadır-Lunga kasabasında Moldovada. 1949 yılda aylesinnän bilä kaldırılmış Kurgan oblastinä, Kargopolskiy dolayına, Skorobogatovkaya. 1955-ci yılda çaarılmış Sovet Armiyasına, demobilizaţiyadan sora dönmüş evä. Başlamış işlemää mehanika zavodunda taşıyıcı. İvan Keleşin dädusu cenk etmiş Birinci dünnä cengindä. Bobası Rodion İvanoviç pay almış İkinci Dünnä cenginä, işlemiş şahtada. Evinä döndüynän, başlamış işlemää kendi topraanı. Nicä ?kulak? oolunu, ?halkın duşmanını?, onu kapamışlar 8 yıla lagerä, neredän çıkabilmiş ancak 1954 yılda.

Anası Nadejda Semönovna 4 uşaklan Sibirdä zor yaşamak geçirmiş. 1958-dä hastalıktan sora vakıtsız geçinmiş 45 yaşında. Anasının ölümündän sora İvan kendi kardaşınnan Mihaillan gitmiş Uzbekistana, neredä büün dä yaşêêr Buhara kasabasında. Kardaşı  Mihail, çok yıl işleyeyip neftebazada kaynakçı, 59 yaşında geçinmiş.

Kızkardaşı Elena yaşêêr Çadırda, büütmüş 3 uşak. Kardaşı Födor yaşêêr İzmail kasabasında, büütmüş bir kız hem bir çocuk, işlemiş teplohodta boţman. Çalışma zamannarında kabletmiş sayısız şannık diplomu hem medali, türlü baaşış.

İvan Keleş karısınnan Viktoriya İvanovnaylan yarım asirdän zeedä bilä kısmetli yaşêêrlar, büütmüşlär hem terbiyetmişlär 4 kız, şindi sevinerlär unukalarına.   

Hazırlarkan bu yazıyı, aaraştırdım internettä informațiya. Gazetada «Нефтяные ведомости» (2008) jurnalist Aleksenko yazmış bizim vatandaşımız için. Onu okuduynan, şaştım hem sevindim, ani bizim gagauz İvan Keleş çok kuvet hem zaamet vermiş Uzbekistanın neftegaz sferasını ilerletmää deyni. Bir küülü olana Sibirdä bobasız büümää pek kolay diilmiş, ama İvan Keleş kendisini diil sade fizik tarafından geliştirmiş, ama harakterini da çetin oturtmuş.

Pek sevärmiş kendi işini. Hiç kullanmamış sertlik hem aldatmak kalitelerini. İnsannara saygıylan danışarak, uzbeklerin arasında kendi  dä saygılı olmuş. Çünkü, ona inanıp, çok kerä büük iş erlerindä öndercilik etmää koymuşlar. Öndercilik yapan obyektlär ama uzanêrlar bir ucunnan Türkmenistana, öbürünnän Samarkand oblastinä hem etişerlär Navoi oblastinä. Bu erlär uzanêrlar baalantılarlan binnärlän kilometralara. O bilärmiş hepsini incelikleri bu konuda, çünkü kendisi temellerdän kaldırarmış, düzärmiş gaz obyektlerini.

   Gagauzlar bu iştän biraz uzak bulunêrlar, neçinki bizdä yok er altı kaynakları, ama İvan Keleş bu işlän sansın duumuş. Bitirmiş institudu (avşam bölümünü), ozaman artık 30 yaşındaymış, ama ustalık hem istemäk ensemiş yabancılıı da çıkmış ön plana. Gagauziyanın zamandaş istoriyasında bu insanın  adı mutlak lääzım yazılsın büük bukvalarlan.

Nicä yazêr jurnalist Osmanov, İvan Keleş ilkin kasabanın sovetindä, sora da respublikanın Meclisindä deputat olarak çok yapmış Mubarek kasabanın infrastrukturası  ilerlenmesi için. İvan Keleş göstermiş kendisini enilikçilik hem raţionalizatorluk taraflarından da. Hazırlamış iki eni proekt, angıları kullanılêr  neftegaz sferalarında. Dooru, ani gagauz toprakları zengin talantlarlan, hodullanêrız!

Gazetamızın sıradakı sayısında okuyunuz yazıyı, angısı tiparlanmış «Нефтяные ведомости» gazetasında 2008-ci yılda. Orada derindän açıklanêr bizim vatandaşımızın İvan Keleşin çalışma yolu.

Kaynak: Editör:
 
Etiketler:
Yorumlar
Ulusal Gazeteler
Yazarlar
En Çok Okunanlar
Alıntı Yazarlar
Komrat
Parçalı Bulutlu
Güncelleme: 15.08.2018
Bugün
12° - 27°
Perşembe
14° - 30°
Cuma
14° - 31°
Anketler
Meydan! gazetası nasıl olmuş?
Komrat

Güncelleme: 14.08.2018
İmsak
03:41
Sabah
05:18
Öğle
12:27
İkindi
16:13
Akşam
19:23
Yatsı
20:52
Süper Lig
Takımlar
P
Av
M
B
G
O
Arşiv Arama
Modül 1

Bu modül kullanıcı tarafından yönetilir, ister kod girilir ister iframe ile içerik çekilir. Toplamda kullanıcı 5 modül ekleme hakkına sahiptir, bu modül dahil tüm sağdaki modüller manuel olarak sıralanabilir.

Haber Yazılımı