Haber Detayı
25 Eylül 2013 - Çarşamba 12:50 Bu haber 1293 kez okundu
 
İVAN KURDOGLO TAMANNADI 100 YAŞINI
Küüdä onu bilerlär hepsi, sokakça deerlär ?Büük Vani?.
KULTURA Haberi


Küüdä onu bilerlär hepsi, sokakça deerlär ?Büük Vani?. İvan Vasilyeviç 100 yaşında kayet islää hem gözlüksüz okuyêr, iş yapêr, raat lafeder üç dildä (rusça, moldovanca, gagauzça) hem uzun-uzun annadêr küçüklüündän bu günä kadar hepsi yaşadıkları için. Aklında tutêr herbir olayı, pişirer imäk, gezer lafkaya hem kliseyä. Gülär üzlü, kırnak, tertipli adam yaşêêr küüdä, sevindirer kendi üç uşaanı, 16 unukasını, 68 unukaların uşaklarını hem 5 üçüncü kuşakta unukasını. Yaşamasında imiş ne Allaa vermiş, ama rakı içkisini hiç kullanmamış. İşlemiş toprak, ev işlerindän kaçmamış. Geçirmiş Rus ţarlıını, Romın okupaţiyasını, Sovet Birlii. aaçlıı hem kaldırma zamannarını. Günün ilk payında Moldova Parlamenti deputatı İrina Vlah geldi İvan Vasilyeviçin evinä bir gözäl demet çiçeklän hem kutlamalarlan. Oturdu Kurdogo aylesinnän, sesledi meraklı annatmaları hem sevindi onnarlan bilä. Ayırılarkan, İrina Vlah dua etii saalık hem istedi onu çaarsınnar 150-ci yaş kutlamasına da. İvan Vasilyeviç Kurdoglo küçüktän üüsüz kalmış, anası erken geçinmiş, ama o kendi çalışmalarınnan, zaametlerinnän büünkü günä saalıkta etişti, insannar arasında onun için saygıylan lafederlär. Küüyün primariyası hem Kultura Evinin işçileri avşam üstü hazırladılar geniş kutlamaları büük salonda. İlkin kutlama sözünnän İvan Vasilyeviçä danıştı hem baaladı ona kırmızı şiridi kutlama yazısınnan küüyün başı. Küü soveti kararına görä da verildi küüyün adından yubilära beş bin ley. Yazıcı Konstantin Kurdoglo baaşladı kendi kiyadını ?Baurçu? hem kutladı ?Meydan? gazetasının adından. Gagauziyanın her tarafından saygılı insannar geldilär kutlamaa İvan Vasilyeviçi. Uşaklar okudular peet, çaldılar türkü. Yubilär kayet şendi bütün avşam, sevineräk kabletti hepsi kutlamakları hem şükür etti primariyayı, küülülerini, ani hazırlandı bölä yortu onun için. Meraklı avşamı birliktä geçirennär dä şükür ettilär Kultura Evinin başına S.P. Kurdogluya hepsi kultura işçilerinä hem üüredici Tatyana Koçancıya, angısı götürdü bu programayı.

Kaynak: Editör:
 
Etiketler:
Yorumlar
Ulusal Gazeteler
Yazarlar
En Çok Okunanlar
Alıntı Yazarlar
Komrat
Parçalı Bulutlu
Güncelleme: 15.08.2018
Bugün
12° - 27°
Perşembe
14° - 30°
Cuma
14° - 31°
Anketler
Meydan! gazetası nasıl olmuş?
Komrat

Güncelleme: 14.08.2018
İmsak
03:41
Sabah
05:18
Öğle
12:27
İkindi
16:13
Akşam
19:23
Yatsı
20:52
Süper Lig
Takımlar
P
Av
M
B
G
O
Arşiv Arama
Modül 1

Bu modül kullanıcı tarafından yönetilir, ister kod girilir ister iframe ile içerik çekilir. Toplamda kullanıcı 5 modül ekleme hakkına sahiptir, bu modül dahil tüm sağdaki modüller manuel olarak sıralanabilir.

Haber Yazılımı