Haber Detayı
29 Haziran 2013 - Cumartesi 14:42 Bu haber 1096 kez okundu
 
Bizim umutlar
-1
Arşiv Haberi


 Üüretmäk ortalıı düzüler esaba alarak halk, regional özellikleri. Zanaatlar kurulêr türlü tematika bölümnerinä görä: zamannar, zanaatlar, oyuncaklar, ana tarafı, adetlär hem taa başka. Bitki yıllarda derindän gerçeklendi busoy temalara görä proektlär: “Benim evim – Gagauziya!”, “Bizim komuşular”, “İnsanın altın elleri”, “Koraflı kilim – ne bu?”, “Senin için çalêrız, ana tarafımız!”, “Hederlez”, “Kasım”, “İlkiyazı karşılamak. Kırk meçik” hem taa çok başka. Bu proektlerdä uşaklar genişlederlär bilgilerini ana tarafı için, adetlär için, yaşamak için, oluşturêrlar, üüselderlär  sözleşmäk uurunu, üürenerlär dooru düzmää sözünü ana dilindä. Zanaatlarda üüredicilär kullanêr türlü interaktiv metodları: “Ven diagraması”, “Käämil fıdancık”, “Günnük” hem başka. Çok gözäl geçer yortular bu proektlerin sonunda. Uşaklar meraklanêr lafetmää gagauz dilindä, severlär şiirleri, masalları, halk türkülerini, oyunnarını.
Birliktä savaşêriz olmaa analarlan-bobalarlan da. Teklif ederiz onnarı herkerä almaa pay proektlerdä, yortularda. Hazırlêrız maasus buluşmakları da: “Ana dilim – tatlı bal”, neredä taa derindän tanıştırêrız anaları-bobaları da Maasus bilgilärlän, gagauz dilinin özelliklerinnän, şiirlärlän, türlü metodlarlan. Üüsek uurda geçer atestaţiya proţesi: aaraştırmak temalarına görä toplanêr çok uygun zanaatlar, didaktik materialları.  Üüredicilär kaldırêrlar profesional uurunu, üüreneräk Komrat Devlet Universitetindä –  Millet fakultetindä,  Gagauz filologiya kafedrasında, masteratta.
Çok işlär olêr, büük çalışmaklar gerçeklener, ama var problemalar da, angıları dalgalandırêr hem gücendirer üüredicileri. Biz sayêrız, ani gagauz dilinin üüretmesi mutlak lääzım aaraştırılsın bilim uurunda: temelinä koyulsun kurikulum (angısı yok), belli edilsin onun içindelii,  düzülsün kompetenţiyalar herbir uura: küçük, orta, büük, hazırlamak grupalarına görä,  esaba alarak zamandaş devlet istediklerini, halk, regional, gagauz dilinin özelliklerini. Bizim esabımıza görä lääzım kurmaa ölä kaynak, neredä zanaatlar olacek sıralı hem ilgili biri-birinä  uşakların herbir yaşına görä, kurikulumun neetlerini gerçekleştireräk  üürenmäk yılın uzunnuunda.  
Bu üzerä teklif ederiz entuziastları  bilim uurundan hem praktikleri  pay almaa bu önemni hem lääzımnı olayda.
 Koçancı Nadejda, metodist, gagauz dili üüredicisi, birinci uşak başçası, Haydar.
Kaynak: (İHA) - İhlas Haber Ajansı Editör:
 
Etiketler:
Yorumlar
Ulusal Gazeteler
Yazarlar
En Çok Okunanlar
Alıntı Yazarlar
Komrat
Parçalı Bulutlu
Güncelleme: 15.08.2018
Bugün
12° - 27°
Perşembe
14° - 30°
Cuma
14° - 31°
Anketler
Meydan! gazetası nasıl olmuş?
Komrat

Güncelleme: 14.08.2018
İmsak
03:41
Sabah
05:18
Öğle
12:27
İkindi
16:13
Akşam
19:23
Yatsı
20:52
Süper Lig
Takımlar
P
Av
M
B
G
O
Arşiv Arama
Modül 1

Bu modül kullanıcı tarafından yönetilir, ister kod girilir ister iframe ile içerik çekilir. Toplamda kullanıcı 5 modül ekleme hakkına sahiptir, bu modül dahil tüm sağdaki modüller manuel olarak sıralanabilir.

Haber Yazılımı