Bugün - 23 Şubat 2018 Cuma
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

GAGAUZ ADMİRALIN TORUNU ? GOLİVUDTA

0

Arşiv Haberi - 22 Nisan 2013 Pazartesi - 11:46
0
Resmi küçültmek için üzerini tıklayın...
Herkerä, açan bulunêrım Bulgariyada dinnenmektä, taa ilk günü satın alêrım bir çok sayfalı erli gazeta da her gün azar-azar okuyêrım onu baştan başa, taa bitirincä. Bunun var iki sebebi: birincisi ? biraz aklıma getirmää bulgarcamı, ikincisi ? bän meraklanêrım, nasıl yaşêêr bu memleket, angısı merakli herbir gagauza, çünkü ona sıkı baalı bizim istoriyamız.
Bitki kerä (bıldır avgustta) bana razgeldi "Trud" gazetası. Kultura için annadan bölümdä rasladım bir küçürek yazı Golivud oyuncusu Rudi Dobrev için, angısının kökleri çekilälrmiş bulgarlardan. "Sanki olmasın bu Dobrev anılmış admiral Dobrevın  senselesi?" ? düşündüm bän. Ölä dä çıktı. Rudi (Radoslav) Dobrev ? İvan Dobrevın unukası. Statyanın avtoru D. Ganev annadêr, ani genç hem talantlı aktör oynamış Evropada hem Amerikada seriallarda, 2012 yılda o kendisi yazmış sțenariy da kendi parasınnan çıkarmış 20-minutluk bir melodrama ? "Morning calm" ("Sabaa raatlıı"). Bu statyadan sora bän başladım aaraştırmaa Rudi Dobrevın yaşamasını İnternet kaynaklarında, bulgar gazetaların saytlarında. Onun duuma yılını birerdä bulamadım, ama bir erdä yazılı, ani kinodebütu olmuş 1992 yılda, açan o taa 12 yaşındaymış. Buna görä çıkêr, ani çocuun duuması var nasıl olsun 1979 yada 1980 yılda. Üürendim, ani onnarın aylesi yaşarmış Varnada, neredä bobası Stoyan çalışarmış gemi kapitanı. Mamusunun adı Rumelina. Rudi hem onun batüsü Lübomir bobasınnan barabar gemiylän biraz gezmişlär dünneyi.
16 yaşında anasının nasaatına görä gitmiş Amerikaya üürenmää ingiliz dilini. Batüsu o vakıt artık studentmiş Çikago kasabasında. Rudi diişmäk programasına görä düşmüş yaşamaa bir ayledä Üülendeki Karolinada. Yaşamış orda iki yıl, sora girmiş üürenmää universitetä. Taa küçüklüündän düş güdärmiş olmaa uçakçı. Orlando kasabasında bitirmiş 2-yıllık pilot kurslarını da girmiş işlemää țivil aviațiyada. Bir yıl çalışmış instruktor. Görümnü delikannı Orlandoda başlêêr sınaştırmaa kendisini kameralara ? çalışêr nicä model.  
Ama genç hem Apollon  gibi gözäl çocuun aklısından çıkmarmış kinokaryera. Bu zanaat ta onu pek çekärmiş. Onuştan brakêr uçakçılıı da geçer yaşamaa Los-Anjeles kasabasına, nerdä bulunêr anılmış Golivud. Yapêr bir fotosesiya da yollêêr fotolarını türlü agentstvolara. İki haftadan sora kableder ilk teklifi. Sora taa, hem taa.
Birkaç laf lääzım sölemää admiral İvan Dobrev için. Bulgariyada en şannı gagauzun duuması Varnaya yakın  Ceferli (Kiçevo) küüyündä 1922 yılda martın 25-dä. Diil Cevizli küüyündä hem diil 1920-dä, nasıl yannış yazmıştı raametli Dionis Tanasoglu bir şkola kiyadında. İvan Dobrev II-ci Dünnä Cengindä faşistlerä karşı düüşlerdä pay almış. Cenktän sora olmuş Bulgariya flotun kurucuların birisi. 1960 ? 1972 yy. olmuş Bulgariya asker bakanın yardımcısı. 1962 ? 1990 yy. seçilmiş deputat Bulgariya Halk Topluşuna. Yazmış iki memuar kiyadı.
Taa bir interesli moment. Rus yazıcısı Aleksandr Tvardovskiy, ?Vasiliy Törkin? poemanın avtoru, 1963 yılda bulunarak Bulgariyada, buluşmuş İvan Dobrevlan. Bunu gösterer onun günnük defterindän bir yazı: ?Sevimniydi admiral (İvan Dobrev), ama ondan esärdi bir kayet açık hem kederli içkici ruhu, onu bekleer katastrofa, bekim  geçirdiklerindän taa büük bela? (http://magazines.russ.ru/znamia/2000/9/tvard-pr.html). Ne islää, ani Tvardovski yanılarmış. Ozamandan beeri geçti 50 yıl! İvan Dobrev bü günnerdä tamannêêr 91 yaşını. Bu adamın yaptıkları hem ömürü ? haliz legenda!



 
Anahtar Kelimeler:arsiv,
Kaynak / Editör: İHA -
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer Arşiv Haberleri

Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim499 Kişi (% 84 )
  
Pek beenmedim35 Kişi (% 6 )
  
Çoktan lääzımdı olsun57 Kişi (% 10 )

Toplam 591 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,06ms