301 Moved Permanently

Moved Permanently

The document has moved here.

Haber Detayı
17 Nisan 2014 - Perşembe 12:50 Bu haber 1449 kez okundu
 
KİŞİNÖV FUTBOL KUBOO BİZDÄ!
Arşiv Haberi


  Gagauziyadan “Saksan” takımının taraftarları mart ayın ilk pazarında gittilär Kişinöva desteklemää kendi sevgili futbolcularını. O gün “Saksan” oynadı finalda Radauţan adına Kişinöv kuboo için. Bizim çadırlı takımın karşısına çıktı kayet kaavi hem ii hazırlıklı takım “İntersport-Aroma”. Final oyunu hepsi gelenneri dalgalandırdı, oyunun bitki minuduna kadar birini raatlanmaa brakmadı.

  Elbet, lääzım sölemää, ani iki takım da pek ii oynardılar, ama “saksannar” taa kısmetliydi, taa üstünä onnarın oyun tehnikası hem taktikası da taa üüsekti. Onuştan onnar kazandılar. İkinci taymda ileri çıktı “Saksan” takımının oyuncusu S. İstratiy, angısı geçirdi enseyişi getirän bir gol. Bütün takım bitkiyä kadar savaştı koymaa gücünü, çemrekliini, ani ilk olmaa. Bölä oyunnan onnar beceräbileceklär taramaa Moldova çempionatını birinci diviziyada da. Siiredici olarak nışannıyacam, ani “Saksanın” taraftarları pek ii üreklendirärdilär kendi gençlerini, bütün maç boyunca tribunalarda daul sesi hem baarmaklar kesilmedilär. Bölä yardım da elbet kuraj verärdi sportçulara. Bunun için saksancılar şükür ettilär kendi taraftarlarına. 40 yılın içindä seftä bu maçın kuboo gider Gagauziyaya, bu pek hodullu hem önemni başarı bizim için.

Konstantin Kurdoglo

Kaynak: Editör:
 
Etiketler:
Yorumlar
En Çok Okunanlar
Divizia Națională EDIŢIA 2019
CLASAMENT 
LOC ECHIPĂ MECI   VIC.   PUNCTE
1 DINAMO-AUTO 1 1 3
2 SFÎNTUL GHEORGHE 1 1 3
3 SHERIFF  1 1 3
4 PETROCUB-HÎNCEŞTI 1 1 3
5 SPERANȚA 1 0 0
6 ZIMBRU 1 0 0
7 MILSAMI 1 0 0
8 CODRU 1 0 0
Anketler
Meydan! gazetası nasıl olmuş?
Arşiv Arama
Haber Yazılımı